نمشي نمشي جنب الواد حتى نلقى وحد السيد يصيد ف الواد و عندو طفطافة moto كنت أنا داير شاشية فوق راسي على البرد و مكوv روحي بيها ما هدرتش معاه ... مشيت بزاف و عبرت الحدود بزاف و دعوة الوالدين كانت حاضرة ... حتى شفت autoroute خليتها على جنبي الأيمن و حاكم بيها الميزان تاع الطريق ... حتى لقيت كي شغل فيلاج صغير وسمو GUVGILIA راهم يعرفوه خاوتنا الحراقة نتاع #البر
دخلت للفيلاج و رحت لوحد الحانوت و شريت عصير و 2 الخبر و الفرماج و قعدت ندور و انا ما علاباليش بلي راني في أقرب فيلاج حدودي و فيه مراقبة كبيرة تلاقيت طاكسيات مشيت عندهم هربولي ما حلبونيش
😂😂😂 تحسب فيا الجرب خخخخخ هوما خايفين يطيحو الدولة و يتلاقوني معهم و انا نقول مالهم 😂😂😂 حتى حبستلي سيارة من نوع 405 سوداء يلا راني متذكر قالي COME QUICKLY أرواح بلخف ... طلعت نورمال كي شغل راني ف البلاد مع طاكسي 😂😂😂 دخل بيا في لاسيتي تاع عمارات كي شغل مكانش الدولة من تما و عرفني بلي حراق قالي لازم تروح للكابيتال العاصمة و ما لازمش تركب من المحطة الرئيسية أيا تما فهمت بلي هذا ينافيGي هههههه قالي نديك خارج المدينة وين تفوت الحافلة لي تروح للعاصمة SKOPYA و عطيلي فيفتي يورو 
😲😲 50 أورو .... أيا هنا وين بدات المقاشحة ههههههه المهم وصلنا ل 30 أورو الله غالب محتمة عليا ...اضرب بيا دورة و حطني في وحد البلاصة وين تفوت #الكار
و قالي هاتلي نصرفلك 20 أورو ب العملة نتاعهم علاخاطر لوكان تعطي للروسوفار الأورو يعرفك بلي حراق و يتصل بالشرطة ... صرفلي و ورالي شحال نعطي للروسوفار و قالي ما تتكلمش كامل ف الحافلة حتى توصل ... المهم استنيت حتى جات الحافلة و ركبت و كوVت روحي. .. كنت ميت ب النعاس رقدت كاو حتى وصلت العاصمة نوضني
😍😍مقدونيا دولة صغيرة جدا و نزلت و خرجت من المحطة نبحث على وين نروح و وين نبات .... انا لازم على حساب الخريطة لازم نمشي إلى دوار في الحدود المقدونية الصربية أسمو #لويان يعرفوه الحراقة و لكن كيف ؟؟
يتبع ....
ليست هناك تعليقات:
إرسال تعليق