الهروب من الجحيم الى المجهول ''الجزء السادس''

الجزء 6 .... رجعت من المطار كاره حياتي كنت حاسبها سهلة و لكن من اليونان هناك تبدأ المصاعب و تعرف ما معنى الحرقة عبر أوروبا الشرقية 😯😯...
دخلت لوتال تلاقيت حبابنا نتاع مستغانم واش خو رجعوك هههههه
ايه يا خويا مع الدخلة تحلبلي 😅😅😅
المهم خاوتي انا نتكل على ربي على البر شكون يرافقني ناس زمان قالك الرفيق شريه ولا كريه
المستغانمي قالي بابا راهو جايني من paris 😂😂😂 حسب راهو داخل للمدرسة خخخخخخ قتلو باباك واش راح يديرلك مثلا هههههههه انعل بليس وهيا نتكلو على الله راني جبت الخريطة من عند واحد من شلف يعرف الطريق مليح ....
لالا يا أمير ربي يسهل .... المهم هاذو في زوج راهم دوك في مستغانم رجعو 😂😂😂😂
تلاقيت وحد الشيباني "شيخ" من عمي موسى غليزان تاني حراق كان مير و دار لافار و عطاها 😂😂😂 بلاك خاوتنا ناس عمي موسى يعرفوه ....
المهم مشيت إلى مدينة #تيسالونيك الحدودية مع دولة #مقدونيا و هناك تلاقيت مع واحد من وجدة وسمو رشيد يخدم حراق قالي نوصلكم 300 أورو للواحد للحدود خخخخخخ خخخخخخ حسبني kavi انا اصلا ف الحدود 😂😂 المهم قتلو يا خو انا جزايري مرحي ماشي من كوديفوار ههههه درنا هاك و هاك و خرجنا في طوموبيلات ف ليل باش نوصلو من وسط المدينة إلى الحدود الجبلية و في الحدود على التراب اليوناني لا يوجد رقابة لأن اليونان اصلا تريد التخلص من المهاجرين و لكن ف التراب المقدوني بزاف لا تريد المهاجرين ....
كنا 18 شخص و guide كان باكستاني و كي وصلنا للحدود كانت تماك #براكة كوخ بينهما ف الحدود وصلنا الباكستاني و قالنا استنوني دوك نجي نشوف الطريق و نجي ههههه صباح الخير 😂😂😂😂😂 راح ما بان
استنينا ساعة و زوج ما جاش عرفنا بلي هرب المخلوق خرجنا و حاولنا الدخول دخلنا حوالي 300 متر حتى نسمع نباح الكلاب و stp police 😲😲😲 
يتبع ....