الجزء الثاني. ...
وصلت إلى اسطنبول بالليل و اندهشت حقا انا حسبت خلاص وصلت لألمانيا هههههه الخرجة تلفتلي كانت أول مرة نخرج من القوة الإقليمية البوتفليقية المتحدة ... المهم درت هاك و هاك و خرجت و برا لقيت عند المطار واحد من ولاية باتنة باين من تاوعنا مع التحية لخاوتنا الشاوية ... سلام عليكم خو
السلام خو ... كي شافني عرفني بلي حراق هههه وين بيها خو la Greece هههههه
ايه و ما راني حاكم والو ههههه
انا موالف نجي مي ما كنتش معول نحرق بصح هاد الخطرة راني مسهل يلا كتب ربي ما بقات قعدة ف البلاد 🙄
المهم يا خو خاصني لوتال و ما رانيش فاهم بولون ههههه
ماشي مشكل يا خو انت منين ؟؟
انا من تيارت. .. خيار الناس و انت ؟؟ انا من باتنة .. خيار الناس
المهم كي نديرو يا خو انا راني جيعان و عيان نشوفو كاش لوتال و ريسطورو
هيا تروح معاي ل بلاصة #كونكابي تماك كاين ليزوتال رخاس و نتلاقو تاوعنا. . هيا بسم الله
رحنا للمضرب و ريزارفينا و تلاقينا وحدين من قسنطينة ...
قعدنا 3 أيام نحوسو علا كاش حراق يدينا لليونان
جا عندنا واحد من وهران سموه #بيرا هو يخدم يجيب الحراقة ل واحد سموه #موح_البوليس من عين طاية أكبر مهرب ب تركيا
سلام عليكم خاوتي رايحين لليونان؟ ؟
ايه يا خو كيفاش؟ ؟
هنا في اسطنبول مكان والو المعلم في بلاصة واسمها #ازمير بعيدة منا بزاف تروحو ف الكار و تتلاقو مع موح و من تما تدو البوطي إلى اليونان ...
واش قلت خويا الشاوي ؟ قالي نتكلو على ربي و نشوفو مع هذا موح البوليس و خلاص ...
المهم دانا هذا #بيرا لاgار نتاع الكيران و عطيناه الدراهم شرالنا التيكي و عطانا النيميرو نتاع واحد من العاصمة وسمو #عدلان و ركبنا ف العشوة مع المغرب و وصلنا الصباح ل هذي #ازمير
يتبع .......
الله يرحمك يا سي العربي بن مهيدي
ليست هناك تعليقات:
إرسال تعليق