الجزء الثالث. .. وصلنا الصباح و عيطنا ل عدلان
الو السلام عليكم خويا حنا لي رسلنا #بيرة تاع اسطنبول
وي خو وين راكم؟ ؟
رانا في لاgار
شوف يا هو أحكم طاكسي و قولو يجيبك لبلاصة وسمها #بصمانة
خلاص خو رانا جايين
حكمنا طاكسي و رحنا للبلاصة لقينا واحد يستنا فينا من وهران وسمو #بوعة احول شوية من عينيه كما وصفولنا السيد و ناس ملاح ... سلام عليكم صابي مرحبا بكم خوتي ....
المهم دانا للدار انا حسبت غير حنا رانا حارقين كي وصلت للدار لقيت الجزائر كامل في هذيك الدار
😂😂😂😂😂 تلاقيت مع #عدلان السلام عليكم خو وقتاش معولين تتكلو على ربي المهم كاين رحلة بعد غدوا يلا تخلصو نبعثوكم معاهم. ...
واش قلت خويا شاوي نتكلو على ربي و خلاص .... بسم الله
المهم نختصر عليكم خلصنا 600 أورو للواحد من تحويشة العمر 😯
#بوعة الوهراني قسرنا معاه شوية و قالنا انا كنت نخدم معاهم بصح هاد الرحلة نروح أن شاء الله معكم ... المهم كانوا من كل ولاية في هذيك الدار و مخلطة و حتى توانسة و مغاربة و جات وحد البنت وسمها سهام من #كازا و شافها #بوعة ههههههههه خونا بوعة زدم
😂 و تلاقيت مع خونا #عيسى من برج بوعريريج جا هو و خوه #ناصر ... تبكي على بلاد يهجرها شبابها في عمر الزهور و كان معنا خاوتنا من تيزي و بجاية و جاء وقت الرحلة و لازم تخرج من منطقة بعيدا عن المراقبة ب #البوطي بإتجاه جزيرة #ساموساليونانية ... المغرب جات فورgون رفدتنا من عند الدار و داونا ل حوش كبير و لقينا ناس و أجناس أخرى أمة يا جدك هههههه أخذوا منا 48 واحد و طبعا #بوعة و ناس #كازا معاه 😅😅😅 و اتجهنا إلى الشاطئ كان بعيد حوالي 20 كلم على الدار و كاين سياراتهم أخرى قبلنا تؤمن الطريق و تراقب الباراجات و وصلنا حوالي 02:00 تاع الصباح للنقطة و لقينا #البوطي واجد ف الشاطئ اركبنا بلخف و قالنا لازم واحد فيكم يسوق و روحو غير نيشان و نعتلنا الطريق بيديه ..... خرجنا على الله و ساعة و زوج والو ... طلع علينا البحر و شفنا الموت و دخل علينا الماء من كل جهة و البرد يقتل و كي طلع البحر بدات #الزودياك تدور و لي كان يسوق ما حسلهاش المهم دارت حتى شفنا الضوء حسبنا بلي هي الجزيرة كملنا عندو و حنا راجعين
😂😂 و طلع علينا النهار و المازوت قريب يخلاص حتى وصلنا للشط خرجنا فرحانين حتى جاو الجدارمية كانوا يشوفو فينا ب لاجيمال ما ديرونجاوش رواحهم كي شافونا راجعين 😂😂😂 المهم داونا كاملين و #عيسى البرايجي هرب ستفونا كاملين و عيطو للكار تاعهم داونا فيه la brigade و حنا ميتين بالبرد و مشمخين و تفاهمنا بلي حنا كامل من فلسطين من غزة
😂😂جابولنا مترجم بداو ب واحد من #براقي العاصمة
السلام عليكم اخي من أي بلد انت ؟؟
من فلسطين يا خو
😂😂😂 و بعده جا الدور تاع #بوعة الوهراني
من أي بلد انت أخي ؟
من غزة صاحبي ...
بس هاي مو لهجة أهل غزة
بوعة : براس ما غير من غزة صاحبي
😂😂😂😂 يتبع .....
ليست هناك تعليقات:
إرسال تعليق