قصة الهروب من الجحيم الى المجهول ''الجزء الخامس''

الجزء الخامس .... 
شفنا الجزيرة مع حلول الصبح وصلنا من جهة #الروشيات كما تشاهدون و هذا الزودياك و ماشي متأكدين خايفين يلا كما الأولى تصرالنا. ... اطلع واحد من جماعتنا قبلنا حتى أعلى قمة الجزيرة و أخذ هذه الصورة و سبحان الله أرادها الله أن تبقى للذكرى 😢😢 
و قمنا بفش الزودياك حتى لا يقومون بإعادتنا اذا أمسكونا بنفس القارب ..... 
تسلقنا حتى نصل إلى أعلى و نواصل المشي و نبحث على خفر السواحل la marine باش يعطولنا ورقة نقدرو نطلعو بيها ف الباخرة تدينا للعاصمة #أثينا ما تقدرش تركب بدون هاد الورقة .... المهم و نحن نتسلق حتى سقط واحد و انكسر من رجله 😢 و هو صديقي الشاوي مسكين ف قمنا بحمله و تعاونا عليه .... آه يا ربي كي نتفكر واش صار فينا و في خاوتنا ...... 
المهم تلاقينا بلاكة مكتوب فيها ما فهمناش اليونانية و لكن راسمين فيها كي شغل مركز و فيها 12 كلم بفففففف. ... 
ترافقنا و تعاونا من أجل مساعدة خونا #الشاوي حتى وصلنا. ... تلاقينا العسكر دخلونا ديراكت للسيلون كبير و جابولنا الخبر و الفرماج و قالونا تبقاو هنا عندنا 3 ايام .... و الشاوي داواوو و بقينا تماك و كلشي مخلط بوعة و كازا😉😉 
جابولنا مترجم و كي العادة فلسطين الشهدا 😉😉😉 
و بعد 3 أيام عطاونا الورقة فيها شهر .... كي تكمل شهر و يحكموك يسموك الحبس ..... 
اركبنا ف الباخرة و رحنا للعاصمة #أثينا التي تبعد حوالي 13 ساعة على جزيرة #ساموس ..... 
ركبنا مع الليل و وصلنا الصباح ....كاين مكان في أثينا مشهور معبي جزائريين و خاصة ناس قسنطينة و شلف أما ناس تيارت كانوا مسيطرين على جزيرة إسمها #خانيا 
ذهبنا إلى منطقة أمونيا و كاين سوق تماك يسموه سوق #الحرامية 😂😂😂😂 تحسب راك في دزاير ههههههه 
وصلنا مارانا فاهمين والو و تفركتنا حينها و انتهت رحلة البحر الجماعية و الله يسمحلنا من الجميع ..... 
رحت كريت في لوتال و تلاقيت فيه اثنين من مستغانم #عبد القادر من سيدي لخضر و الاخر نسيت اسمو و حابين يحرقوا و لكن كيف الآن عبر المطار أو عبر البر و الطريقة الشاقة 
المطار قمار انت و زهرك أما البر صعوبات و مخاطر .... 
بعدما اشتريت كارطا إيطالية و حاولت عبر المطار امسكني الشرطي و تحلبلي و طردني و الآن لا سبيل إلا البر 
أمير و قصتي مع البر ..... 
يتبع ...